Author: admin

Dagiti Annak ni David

1-3 Dagitoy dagiti annak ni David a nayanak bayat ti kaaddana idiay Hebron, manipud iti inauna:

Amnon nga anak ni Ahinoam a Jezreelita;

Daniel nga anak ni Abigail a taga-Carmel;

Absalom nga anak ni Maaca nga anak ni Talmai nga ari idiay Gesur;

Adoniha nga anak ni Haggit;

Sefatias nga anak ni Abital;

Itream nga anak ni Egla.

4 Nayanakdaamin nga innem idiay Hebron a nagturayan ni David iti pito ket kagudua a tawen.

Tallopulo ket tallo met a tawen a nagari ni David idiay Jerusalem.

5 Aduti annakna a lallaki a nayanak sadiay.

Uppat a lallaki ti annakda ken ni Batseba nga anak ni Ammiel: Simea, Sobab, Natan ken Solomon.

6 Adda pay siam a sabali a lallaki nga annak ni David, da Ibhar, Elisua, Elpelet,

7 Noga, Nefeg, Jafia,

8 Elisama, Eliada ken Elifelet.

9 Malaksid kadagitoy nga annak ni David, adda pay sabali nga annakna kadagiti sabali nga assawana. Adda pay anakna a babai nga agnagan iti Tamar.

Dagiti Kaputotan ni Ari Solomon

10 Dagitoy ti kaputotan ni Ari Solomon: Rehoboam, Abija, Asa, Jehosafat,

11 Joram, Ahazias, Joas,

12 Amasias, Uzzias, Jotam,

13 Ahaz, Hezekias, Manases,

14 Amon ken Josias.

15 Uppat ti annak ni Josias, da Johanan, Jehoyakim, Zedekias, ken Sallum.

16 Adda dua a lallaki nga annak ni Jehoyakim, da Jeconias ken Zedekias.

Dagiti Kaputotan ni Ari Jeconias

17 Dagitoy ti kaputotan ni Ari Jeconiasnga intalaw a kas balud dagiti taga-Babilonia. Pito dagiti lallaki nga annak ni Jeconias: Sealtiel,

18 Malkiram, Pedaias, Senazzar, Jekamias, Hosama ken Nedabia.

19 Dua ti annak ni Pedaias: ni Zerubbabel ken ni Simei. Dua ti annak ni Zerubbabel: Mesullam ken Hananias. Selomit ti nagan ti anakna a babai.

20 Adda pay lima a lallaki nga annakna: Hasuba, Ohel, Berekias, Hasadias ken Jusab Hesed.

21 Dua ti annak ni Hananias: Pelatias ken Jesaias. Ni Jesaias ti ama ni Refaias. Ni Refaias ti ama ni Arnan. Ni Arnan ti ama ni Obadias. Ni Obadias ti ama ni Secanias.

22 Ni Secanias ti ama ni Semaias. Lima ti appoko ni Secanias: Hattus, Igal, Barias, Nearias ken Safat.

23 Tallo ti lallaki nga annak ni Nearias: Elioenai, Hizkias ken Azrikam.

24 Pito ti annak ni Elioenai: Hodavias, Eliasib, Pelaias, Akkub, Johanan, Delaias ken Anani.

Dagiti Kaputotan ni Juda

1 Dagitoy dagiti dadduma a kaputotan ni Juda: Perez, Hezron, Carmi, Hur ken Sobal.

2 Ni Sobal ti ama ni Reayas nga ama ni Jahat. Ni Jahat ti ama da Ahumai ken Lahad a kapuonan dagiti nagnaed idiay Zora.

3-4 Ni Hur ti inauna nga anak da Caleb ken Efrata. Dagiti kaputotanna ti nangbangon iti siudad ti Betlehem. Tallo dagiti lallaki nga annak ni Hur, da Etam, Penuel ken Ezer. Tallo ti lallaki nga annakni Etam, da Jezreel, Isma ken Idbas, ken maysa nga anak a babai, ni Hazzelelponi. Binangon ni Penuel ti siudad ti Gedor. Binangon met ni Ezer ti Husa.

5 Dua ti assawa ni Asur a nangbangon iti ili ti Tekoa: Hela ken Naara.

6 Uppat ti lallaki nga annakda ken ni Naara: Ahuzzam, Hefer, Temeni ken Haahastari.

7 Tallo ti lallaki nga annakda ken ni Hela: Zeret, Isar ken Etnan.

8 Ni Koz ti ama da Anub ken Zobeda, ken ti kapuonan dagiti familia a nagtaud ken ni Aharhel nga anak ni Harum.

9 Adda tao a managan Jabes a kalatakan a kameng ti familiana. Pinanaganan ti inana iti “Jabes”gapu ta kasta unay ti rigatna a nangipasngay kenkuana.

10 Nagkararag ni Jabes iti Dios ti Israel ket kinunana: “Bendisionannak, O Dios, ket ikkannak iti adu a daga. Tarabayennak ket yadayonak iti aniaman a kinadakes a pakaigapuan ti pagrigatak.” Ket inted ti Dios ti dinawatna.

Dagiti Listaan ti Dadduma a Familia

11 Adda lalaki nga anak ni Caleb a kabsat ni Suha; Mehir ti naganna. Ni Mehir ti ama ni Eston.

12 Tallo a lallaki ti annak ni Eston, da Betrafa, Pasea ken Tehinna. Ni Tehinna ti nangbangon iti siudad ti Nahas. Nagnaed ti kaputotan dagitoy a lallaki idiay Reca.

13 Dua dagiti lallaki nga annak ni Kenas: Otniel ken Seraya. Dua met dagiti lallaki nga annak ni Otniel: Hatat ken Meonotai.

14 Ni Meonotai ti ama ni Ofra.

Ni Seraias ti ama ni Joab a nangbangon iti Tanap dagiti Agparpartuat a pagnanaedan dagiti nalaing nga agaramid kadagiti napipintas nga alikamen.

15 Tallo dagiti lallaki nga annak ni Caleb nga anak ni Jefone, da Iru, Ela, ken Naam. Ni Ela ti ama ni Kenas.

16 Uppat dagiti lallaki nga annak ni Jehallelel, da Zif, Zifa, Tiria ken Asarel.

17-18 Uppat dagiti lallaki nga annak ni Ezra, da Jeter, Mered, Efer ken Jalon. Inasawa ni Mered ni Bitias nga anak ti ari ti Egipto. Naaddaanda iti anak a babai, ni Miriam, ken dua nga annak a lallaki, da Sammai ken Isba. Ni Isba ti nangbangon iti ili ti Estemoa. Nangasawa pay ni Mered iti babai a nagtaud iti tribu ti Juda. Tallo ti annakda: Jered a nangbangon iti ili ti Gedor; Heber a nangbangon iti ili ti Soco; ken Jekutiel a nangbangon iti ili ti Zanoa.

19 Inasawa ni Hodias ti kabsat ni Naham. Dagiti kaputotanda ti nagtaudan dagiti Garmita nga agnanaed iti ili ti Keila, kasta met ti kapuonan dagiti Maacatita nga agnanaed iti ili ti Estemoa.

20 Adda uppat a lallaki nga annak ni Simon: Amnon, Rinna, Benhanan ken Tilon.

Dua dagiti lallaki nga annak ni Isi: Zohet ken Benzohet.

Ti Kaputotan ni Sela

21 Maysa ni Sela kadagiti lallaki nga annak ni Juda. Dagitoy dagiti kaputotan ni Sela: Er a nangbangon iti ili ti Leca; Laada a nangbangon iti ili ti Maresa; ti familia dagiti agab-abel iti linen nga agnanaed iti ili ti Betasbea;

22 Jokim, ken dagiti agnanaed idiay Cozeba; da Joas ken Saraf a nangasawa kadagiti Moabita sada nagnaed idiay Betlehem.

23 Agdamdamilida a nagserbi iti ari ket nagnaedda kadagiti ili ti Netaim ken Gedera.

Dagiti Kaputotan ni Simeon

24 Lima ti annak ni Simeon, da Nemuel, Jamin, Jarib, Zera ken Saul.

25 Ni Saul ti ama ni Sallum nga ama ni Mibsam nga ama ni Misma.

26 Manipud ken ni Misma, nagtuloy ti kaputotan kada Hammuel, Zaccur, ken Simei.

27 Sangapulo ket innem a lallaki ken innem a babbai ti annak ni Simei. Ngem basbassit ti bilang ti annak dagiti kakabagianna ket saan nga immadu ti tribu ti Simeon a kas iti tribu ti Juda.

28 Aginggaiti tiempo ni Ari David, nagnaed dagiti kaputotan ni Simeon kadagitoy nga ili: Beerseba, Molada, Hasarsual,

29 Bilha, Ezem, Tolad,

30 Betuel, Horma, Siklag,

31 Bet Marcabot, Hasarsusim, Betbiri ken Saaraim.

32 Nagnaedda pay iti lima a sabali a lugar: Etam, Ain, Rimmon, Token ken Asan,

33 agraman dagiti kabangibangda a purok, agingga iti abagatan a laud ti ili a Baalat. Dagitoy ti listaan ti familiada ken dagiti lugar a nagnaedanda.

34-38 Dagitoy ti pangulo dagiti familiada:

Mesobab, Jamlec ken Josias nga anak ni Amasias, Joel.

Jehu nga anak ni Josibias nga anak ni Seraias nga anak ni Aziel.

Elioenai, Jaakoba, Jesohayas, Asayas, Adiel, Jasimiel, Benaias.

Ziza nga anak ni Sifi nga anak ni Allon a kaputotan ni Jedayas, Simri ken Semaias.

Agsipud ta umad-adu ti bilang ti familiada,

39 nagpalaudda agingga a nakaasidegda idiay Gerarket impaarabda dagiti karneroda iti akindaya a paset ti tanap a nakaisaadan ti siudad.

40 Naraber a pagpaaraban ti nasarakanda iti nalawa, natalna ken namayengmeng a tay-ak. Sigud a dagiti Hamatita ti nagnaed sadiay.

41 Idi tiempo ti panagturay ni Hezekias nga ari ti Juda, napan dagiti lallaki a nainaganan iti ngato idiay Gerar ket dinadaelda dagiti tolda ken kalapaw dagiti agnaed sadiay.Pinapanawda dagiti tattao ket nagnaedda sadiay iti agnanayon, gapu ta nalawa ti pagpastoranda kadagiti karneroda.

42 Nagpadaya dagiti dadduma a kamkameng iti tribu ti Simeon a napan idiay Edom. Limagasutda nga impanguloan dagiti lallaki nga annak ni Isi: Pelatia, Nearias, Refaias ken Uzziel.

43 Pinapatayda amin a natda nga Amalekita ket nagnaedda sadiay agpapan kadagitoy nga aldaw.

Dagiti Kaputotan ni Ruben

1 Dagitoydagiti kaputotan ni Ruben, ti inauna kadagiti lallaki nga annak ni Jacob. (Gapu ta kinaiddana ti maysa kadagiti assawa ni amana, napukawna dagiti kalinteganna nga inauna, ket naited dagitoy a kalintegan ken ni Jose.

2 Ngemti tribu ti Juda ti nagbalin a kapigsaan, ket isu ti nagtaudan ti mangituray kadagiti amin a tribu.)

3 Uppat dagiti lallaki nga annak ni Ruben nga inauna nga anak ni Jacob: Hanoc, Pallu, Hezron ken Carmi.

4-6 Dagitoydagiti agsasaruno a kaputotan manipud ken ni Joel: Semaias, Gog, Simei, Mica, Reayas, Baal ken Beera. Tiniliw ni Tiglat Pileser nga emperador ti Asiria ni Beera a pangulo ti tribu ket intugotna a kas balud.

7 Iti libro a pakasaritaan ti familia, nailanad dagiti pangulo ti familia iti tribu ni Ruben: Jeyel, Zacarias;

8 Bela, nga anak ni Azaz ken apoko ni Sema iti kapuonan ni Joel. Nagnaed daytoy a familia idiay Aroer ken iti masakupan manipud amianan agingga idiay Nebo ken Baal Meon.

9 Adu ti arbanda a baka iti Galaad; iti kasta, sinakupda ti daga agingga iti let-ang iti daya a dumanon iti Karayan Eufrates.

10 Idi tiempo ni Ari Saulo, rinaut ti tribu ti Ruben dagiti Hagarita; pinapatayda ida ket sinakupda ti dagada iti akindaya a paset ti Galaad.

Dagiti Kaputotan ni Gad

11 Nagnaed ti tribu ti Gad idiay Basan iti amianan ti pagnanaedan ti tribu ti Ruben agingga idiay Saleca iti daya.

12 Idiay Basan, ni Joel ti nangipasdek iti kalatakan a familia ket ni Safam ti nangipasdek iti maikadua a kalatakan. Da Janai ken Safat ti nangipasdek kadagiti dadduma a familia.

13 Kamkameng ti dadduma a miembro ti tribu dagitoy pito a familia: Micael, Mesullam, Seba, Jorai, Jacan, Zia ken Eber.

14 Kaputotan ida ni Abihail nga anak ni Huri a nagtaud kadagitoy a kapuonan: Abihail, Huri, Jaroa, Galaad, Micael, Jesisai, Jado, Buz.

15 Ni Ahi nga anak ni Abdiel ken apoko ni Guni ti pangulo dagitoy a familia.

16 Nagnaedda iti sakup ti Basan ken Galaad, kadagiti il-ili sadiay, ken iti amin a daga a pagpastoran idiay Saron. (

17 Naurnos dagitoy a pakasaritaan idi tiempo da Ari Jotam iti Juda ken Ari Jeroboam iti Israel.)

18 Adda 44,760 a mannakigubat iti tribu ti Ruben, Gad ken ti Akindaya a Manases. Nasanayda nga agiggem iti kalasag, kampilan ken pana.

19 Ginubatda dagiti tribu ti Hagar nga agnanaed idiay Jetur, Nafis ken Nodab.

20 Nagtalekda iti Dios ket nagkararagda kenkuana tapno tulonganna ida. Impangag ti Dios ida ket pinagballigina ida kadagiti tribu ti Hagar ken dagiti kakaduada.

21 Limapulo ribu a kamelio, 250,000 a karnero ken 2,000 nga asno ti sinamsamda kadagiti kabusorda. Intalawda a kas balud ti 100,000 a mannakigubat.

22 Adu ti pinapatayda kadagiti kabusor agsipud ta pagayatan ti Dios ti pannakigubatda. Nagnaedda iti dayta a lugar agingga iti tiempo ti pannakapagtalaw.

Dagiti Tattao iti Akindaya a Manases

23 Immadu unay dagiti tattao iti Akindaya a Manases. Nagnaedda iti sakup ti Basan agingga iti Baal Hermon, Senir ken Bantay Hermon iti amianan.

24 Dagitoy dagiti pangulo ti familia: Efer, Isi, Eliel, Azriel, Jeremias, Hodavia ken Jadiel. Maingelda amin a soldado, ket nalatakda a papangulo dagiti familiada.

Mapagtalaw dagiti Tribu iti Daya

25 Ngem saan a napudno dagiti tattao iti Dios. Tinallikudanda ti Dios dagiti kapuonanda ket nagdaydayawda kadagiti didiosen dagiti tattao a pinapanaw ti Dios iti dayta a daga.

26 Itikasta, sinugsogan ti Dios ni Pul nga emperador ti Asiria (agnagan pay iti Tiglat Pileser) tapno rautenna ti dagada. Pinagtalawna dagiti tribu ti Ruben, Gad ken ti Akindaya a Manases—ket pinagnaedna ida nga agnanayon idiay Hala, Habor, Hara ken iti asideg ti Karayan Gozan.

Ti Kaputotan dagiti Nangato a Padi

1 Adda tallo nga annak ni Levi, da Gerson, Coat ken Merari.

2 Uppat ti lallaki nga annak ni Coat, da Amram, Isar, Hebron ken Uzziel.

3 Dua ti lallaki nga annak ni Amram, da Aaron ken Moises, ken maysa a babai, ni Miriam.

Adda uppat a lallaki nga annak ni Aaron: da Nadab, Abiu, Eleazar, ken Itamar.

4 Dagitoy dagiti agsasaruno a kaputotan manipud ken ni Eleazar: Finehas, Abisua,

5 Bukki,

6 Uzzi, Zerahias, Merayot,

7 Amarias, Ahitub,

8 Zadok, Ahimaaz,

9 Azarias, Johanan,

10 Azarias (ti nagserbi iti templo a binangon ni Ari Solomon idiay Jerusalem),

11 Amarias, Ahitub,

12 Zadok, Sallum,

13 Hilkias, Azarias,

14 Seraias, Jehozadak.

15 Naipan a balud ni Jehozadak iti sabali a daga idi intalaw ni Nebucadnesar dagiti dadduma a tattao ti Juda ken Jerusalem kas pagayatan ni Yahweh.

Dagiti Dadduma a Kaputotan ni Levi

16 Talloti annak ni Levi: da Gersom, Coat ken Merari.

17 Adda met annak ti tunggal maysa kadakuada. Ni Gersom ti ama da Libni ken Simei.

18 Ni Coat ti ama da Amram, Isar, Hebron ken Uzziel.

19 Ni Merari ti ama da Mali ken Musi.

20 Dagitoy dagiti agsasaruno a kaputotan ni Gersom: da Libni, Jahat, Zimma,

21 Joa, Iddo, Zera ken Jeaterai.

22 Dagitoy dagiti agsasaruno a kaputotan ni Coat: da Amminadab, Kora, Assir,

23 Elcana, Ebiasaf, Assir,

24 Tahat, Uriel, Uzzias, ken Saul.

25 Adda dua a lallaki nga annak ni Elcana: da Amasai ken Ahimot.

26 Dagitoy dagiti agsasaruno a kaputotan ni Ahimot: Elcana, Zofai, Nahat,

27 Eliab, Jehoram ken Elcana.

28 Adda dua a lallaki nga annak ni Samuel: ni Joel nga inauna, ken ni Abias nga adienna.

29 Dagitoy dagiti agsasaruno a kaputotan ni Merari, da Mali, Libni, Simei, Uzza,

30 Simea, Haggias ken Asaias.

Dagiti Kantores iti Templo

31 Dagitoy dagiti lallaki a dinutokan ni Ari David a mangimaton iti panagkanta iti lugar a pagdaydayawan idiay Jerusalem kalpasan ti pannakaikabil sadiay ti Lakasa ti Tulag.

32 Nagsusublatda a nagserbi iti Tolda ti Dios sakbay ti panangbangon ni Ari Solomon iti Templo.

33 Adtoy dagiti familia a nagakem kadagitoy a saad:

Ti familia ni Coat: ni Heman ti pangulo ti umuna a bunggoy dagiti kantores. Isu ti anak ni Joel. Nagtaud ti familiana ken ni Jacob: Heman, Joel, Samuel,

34 Elcana, Jeroham, Eliel, Toa,

35 Zuf, Elcana, Mahat, Amasai,

36 Elcana, Joel, Azarias, Zefonias,

37 Tahat, Assar, Ebiasaf, Kora,

38 Isar, Coat, Levi, Jacob.

39 Ni Asaf ti pangulo ti maikadua a bunggoy dagiti kantores. Nagtaud ti familiana ken ni Levi: Asaf, Berekias, Simea,

40 Micael, Baaseias, Malkija,

41 Etni, Zera, Adayas,

42 Etan, Zimma, Simei,

43 Jahat, Gersom, Levi.

44 Ni Etan a nagtaud iti familia ni Merari ti pangulo ti maikatlo a bunggoy dagiti kantores. Nagtaud ti familiana ken ni Levi: Etan, Kisi, Abdi, Malluc,

45 Hasabias, Amazias, Hilkias,

46 Amzi, Bani, Semer,

47 Mali, Musi, Merari, Levi.

48 Nadutokan dagiti padada a Levita nga agakem kadagiti dadduma nga annongen iti lugar a pagdaydayawan.

Dagiti Kaputotan ni Aaron

49 Ni Aaron ken dagiti kaputotanna ti nangidatag kadagiti insenso a mapuoran ken kadagiti daton a mapuoran iti altar. Annongda ti amin nga aramid a mainaig iti panagdaydayaw iti Kasantoan a Lugar, agraman ti panagidatag kadagiti daton tapno pakawanen ti Dios dagiti basol ti Israel. Inaramidda amin dagitoy kas mayannurot iti bilin ni Moises nga adipen ti Dios.

50 Dagitoy ti kaputotan ni Aaron: Eleazar, Finehas, Abisua,

51 Bukki, Uzzi, Zerahias,

52 Merayot, Amarias, Ahitub,

53 Zadok, Ahimaaz.

Ti Pagnaedan dagiti Kaputotan ni Aaron

54 Daytoy ti daga a naited kadagiti kaputotan ni Aaron, iti familia ni Coat. Inawatda ti umuna a paset ti daga a naituding kadagiti Levita.

55 Sakupen ti bingayda ti Hebron idiay Juda agraman dagiti daga a pagpastoran iti likmutna.

56 Ngem naited ken ni Caleb nga anak ni Jefone dagiti talon ken away a sakupen ti siudadda.

57-59 Dagitoy dagiti il-ili a naited kadagiti kaputotan ni Aaron: Hebron a siudad a pagkamangan, Jattir ken dagiti ili ti Libna, Estemoa, Hilen, Debir, Asan, ken Bet Semes agraman dagiti daga a pagpaaraban.

60 Iti sakup ti Benjamin, naited kadakuada dagitoy nga ili agraman dagiti daga a pagpastoranda: Geba, Alemet, ken Anatot. Agdagup iti 13 dagiti ili a pagnaedan dagiti familiada.

61 Sangapulo dagiti ili iti sakup ti Akinlaud a Manases a naited kadagiti dadduma a familia ni Coat. Nagbibinnunotanda ti daga a naited iti tunggal familia.

62 Kadagiti familia ni Gersom, naited ti 13 nga ili iti sakup ti tribu da Issacar, Aser, Neftali ken iti Akindaya a Manases idiay Basan.

63 Kasta met ti pannakaited ti 12 nga il-ili kadagiti familia ni Merari. Adda dagitoy nga ili iti sakup dagiti tribu ti Ruben, Gad ken Zebulon.

64 Kastoy ti pannangted dagiti Israelita kadagiti Levita kadagiti ili a pagnaedanda, agraman dagiti pagpaaraban iti likmut dagiti ili. (

65 Babaen met iti binnunot, naited dagiti il-ili dagiti tribu da Juda, Simeon ken Benjamin a nainaganan iti ngato.)

66 Naited kadagiti dadduma a familia ni Coat dagiti ili ken pagpastoran iti sakup ti Efraim.

67 Dagitoy dagiti ili ti Sekem, ti siudad a pagkamangan iti katurturodan ti Efraim, Gezer,

68 Jokmeam, Bet Horon,

69 Aijalon ken Gat Rimmon.

70 Iti sakup ti Akinlaud a Manases, naited kadakuada dagiti ili ti Aner ken Bileam agraman dagiti pagpastoran.

71 Naited kadagiti familia ni Gersom dagitoy nga ili agraman dagiti pagpastoran.

Iti sakup ti Akindaya a Manases: Golan idiay Basan ken Astarot.

72 Iti sakup ti Issacar: Kedes, Daberat,

73 Ramot ken Anem.

74 Iti sakup ti Aser: Masal, Abdon,

75 Hukok ken Rehob.

76 Iti sakup ti Neftali: Kades idiay Galilea, Hammon ken Kiriataim.

77 Kadagiti dadduma a familia ni Merari, naited dagitoy nga il-ili agraman dagiti daga a pagpastoranda.

Iti sakup ti Zebulon: Rimmono ken Tabor.

78 Iti sakup ti Ruben iti daya ti Karayan Jordan iti labes ti Jerico: Bezer iti patad ti turod, Jaza,

79 Kedemot ken Mefaat.

80 Iti sakup ti Gad: Ramot idiay Galaad, Mahanaim,

81 Hesbon ken Jazer.

Dagiti Kaputotan ni Issacar

1 Uppat ti annak ni Issacar: da Tola, Pua, Jasub, ken Simron.

2 Innem ti annak ni Tola: da Uzzi, Refaias, Jeriel, Jamai, Ibsam ken Semuel. Isuda dagiti pangulo ti familia iti kapuonan ni Tola ket agdindinamagda a mannakigubat. Idi tiempo ni Ari David, 22,600 ti dagup dagiti kaputotanda.

3 Maymaysa ti anak ni Uzzi. Isu ni Izrahias. Ni Izrahias ken dagiti uppat nga annakna, da Micael, Abdias, Joel ken Issias, papanguloda amin iti familia.

4 Adu ti assawa ken annakda ket kadagiti kaputotanda adda 36,000 a mannakigubat.

5 Iti listaan ti amin a familia iti tribu ti Issacar, adda 87,000 a mabalin nga agsoldado.

Dagiti Kaputotan da Benjamin ken Dan

6 Adda tallo a lallaki nga annak ni Benjamin: da Bela, Beker ken Jediael.

7 Lima ti annak ni Bela: Ezbon, Uzzi, Uzziel, Jerimot, ken Iri. Papanguloda iti familia iti daytoy a kapuonan ket agdindinamagda a mannakigubat. Kadagiti kaputotanda, adda 22,034 a mabalin nga agsoldado.

8 Siam dagiti lallaki nga annak ni Beker, da Zemiral, Joas, Eliezer, Elioenai, Omri, Jeremot, Abija, Anatot ken Alemet.

9 Iti listaan dagiti kaputotanda iti tunggal familia, adda 20,200 a mabalin nga agsoldado.

10 Maymaysa ti anak ni Jediael. Isu ni Bilhan a naaddaan iti pito nga annak: Jeus, Benjamin, Ehud, Kenaana, Zetan, Tarsis ken Ahisahar.

11 Papanguloda iti familia iti daytoy a kapuonan ket agdindinamagda a mannakigubat. Kadagiti kaputotanda, adda 17,200 a mabalin nga agsoldado.

12 Mairaman met iti daytoy a tribu da Suppim ken Huppim.

Adda maysa a lalaki nga anak ni Dan. Isu ni Husim.

Dagiti Kaputotan ni Neftali

13 Uppat ti annak ni Neftali: da Jaziel, Guni, Jezer ken Sallum. (Kaputotan ida ni Bilha.)

Dagiti Kaputotan ni Manases

14 Dua ti annak ni Manases iti asawana nga Aramita: da Asriel ken Makir. Ni Makir ti ama ni Galaad.

15 Imbirokan ni Makir iti assawa dagiti annakna, da Huppim ken Suppim. Maaca ti nagan ti babai a kabsat ni Makir. Ni Zelofehad ti maikadua a lalaki nga anak ni Makir. Pasig a babbai ti annak ni Zelofehad.

16 Nangipasngay ni Maaca nga asawa ni Makir iti dua a lallaki. Pinanagananda ida iti Peres ken Seres. Adda dua a lallaki nga annak ni Peres: da Ulam ken Rakem.

17 Maymaysa a lalaki ti anak ni Ulam. Napanaganan iti Bedan. Kaputotan amin dagitoy ni Galaad nga anak ni Makir ken apoko ni Manases.

18 Tallo ti annak ni Hammoleket, ti babai a kabsat ni Galaad: da Isod, Abiezer ken Mala.

19 Uppat dagiti lallaki nga annak ni Semida: da Ahian, Sekem, Liki ken Aniam.

Dagiti Kaputotan ni Efraim

20 Dagitoy ti agsasaruno a kaputotan ni Efraim: Sutela, Bered, Tahat, Eleada, Tahat,

21 Zabad ken Sutela. Adda pay dua a lallaki nga annak ni Efraim: da Ezer ken Elead. Napapatay dagiti agkabsat idi padasenda a takawen dagiti baka dagiti tattao a naisigud iti Gat.

22 Adu nga aldaw a dinungdung-awan ida ni Efraim nga amada ket napan liniwliwa dagiti kakabsatna.

23 Kalpasanna, kinaiddana manen ti asawana. Nagpasngay ti asawana iti lalaki a pinanagananda iti Beriagapu iti napasamak iti familiada.

24 Adda babai nga anak ni Efraim, ni Sera, a nangbangon kadagiti ili iti akingngato ken akimbaba a Bet Horon ken Uzzen Sera.

25 Adda pay anak ni Efraim a managan iti Refa. Dagitoy dagiti kaputotanna: Resef, Tela, Tahan,

26 Ladan, Ammihud, Elisama,

27 Nun ken Josue.

28 Sinakup ken nagnaedanda ti Betel ken dagiti ili iti likmutna agingga idiay Naaran iti daya ken agingga idiay Gezer iti laud agraman dagiti ili a kabangibangna. Mairaman pay dagiti siudad ti Sekem ken Ayya agraman dagiti ili iti likmutda.

29 Inturayan dagiti kaputotan ni Manases dagiti siudad ti Bet Sean, Taanac, Megiddo ken Dor agraman dagiti kabangibangda nga ili. Dagitoy dagiti lugar a nagnaedan dagiti kaputotan ni Jose nga anak ni Israel.

Dagiti Kaputotan ni Aser

30 Dagitoy ti kaputotan ni Aser. Uppat ti lallaki nga annakna, da Imna, Isba, Isbi ken Beria, ken maysa a babai, ni Sera.

31 Dua a lallaki ti annak ni Beria, da Heber ken Malkiel. (Binangon ni Malkiel ti siudad ti Birzait.)

32 Adda tallo a lallaki nga annak ni Heber, da Haflet, Somer ken Hotam. Adda kabsatda a babai nga agnagan Sua.

33 Tallo met a lallaki ti annak ni Haflet: da Pasac, Bimhal ken Asvat.

34 Adda tallo a lallaki nga annak ni Somer a kabsatna: da Roga, Jehubba ken Aram.

35 Uppat a lallaki ti annak ni Jotama kabsatna: Sufa, Imna, Seles, ken Amal.

36 Dagitoy dagiti kaputotan ni Sufa, da Sua, Harnefer, Sual, Beri, Imra,

37 Beser, Hod, Samma, Silsa, Itran ken Beera.

38 Dagitoy dagiti kaputotan ni Jeter, da Jefone, Pispa ken Ara.

39 Dagitoy dagiti kaputotan ni Ulla, da Ara, Haniel ken Rizia.

40 Kaputotan amin dagitoy ni Aser. Papanguloda kadagiti familia, agdindinamagda a soldado ken nalatakda a pangulo. Adda 26,000 kadakuada a makabael nga agsoldado.

Dagiti Kaputotan ni Benjamin

1 Adda lima nga annak ni Benjamin. Manipud inauna agingga iti inaudi isuda da Bela, Asbel, Ahara,

2 Noha ken Rafa.

3 Dagiti kaputotan ni Bela: da Addar, Gera, Abihud,

4 Abisua, Naaman, Ahoa,

5 Gera, Sefufan ken Huram.

6-7 Dagiti kaputotan ni Ehud: Naaman, Ahija ken Gera. Papangulo ida dagiti familia a nagnaed idiay Geba ngem napagtalawda sadiay ket napanda nagnaed idiay Manahat. Ni Gera nga ama da Uzza ken Ahihud ti nangipangulo iti ipapanawda.

8-9 Insina ni Saharaim dagiti assawana, da Husim ken Baara. Idi nagnaed idiay daga ti Moab, inasawana ni Hodes. Pito ti annakda: Jobab, Zibia, Mesa, Malcam,

10 Jeuz, Sakia ken Mirma. Nagbalin a papangulo ti familia dagiti amin nga annakna.

11 Adda met dua a lallaki nga annakda ken ni Husim: Ahitub ken Elpaal.

12 Tallo a lallaki dagiti annak ni Elpaal: Eber, Misam ken Semed. Ni Semed ti nangbangon kadagiti siudad ti Ono ken Lod agraman dagiti kabangibangda a barrio.

Dagiti Benjaminita idiay Gat ken Aijalon

13 Da Beria ken Sema ti pangulo dagiti familia a nagnaed iti siudad ti Aijalon. Pinapanawda dagiti nagnaed iti siudad ti Gat.

14 Kadagiti kaputotan ni Beria, mairaman da Ahio, Sasak, Jeremot,

15 Zebadias, Arad, Eder,

16 Micael, Ispa ken Joa.

Dagiti Benjaminita idiay Jerusalem

17 Kadagiti kaputotan ni Elpaal, mairaman da Zebadias, Mesullam, Hiski, Heber,

18 Ismerai, Izlia ken Jobab.

19 Kadagiti kaputotan ni Simei, mairaman da Jakim, Zikri, Zabdi,

20 Elienai, Zilletai, Eliel,

21 Adaias, Beraias, ken Simrat.

22 Kadagiti kaputotan ni Sasak, mairaman da Ispan, Eber, Eliel,

23 Abdon, Zikri, Hanan,

24 Hananias, Elam, Antotija,

25 Ifdeyas ken Penuel.

26 Kadagiti kaputotan ni Jeroham, mairaman da Samserai, Seharias, Atalias,

27 Jaaresias, Elias, ken Zikri.

28 Dagitoy dagiti pangulo ti kapuonan dagiti familia ken dagiti kangrunaan a kaputotanda a nagnaed idiay Jerusalem.

Dagiti Benjaminita idiay Gabaon ken Jerusalem

29 Binangon ni Jeielti siudad ti Gabaon ket nagnaed sadiay. Maaca ti nagan ti asawana.

30 Ni Abdon ti inauna nga anakna. Dagitoy ti dadduma nga annakna: Sur, Kis, Baal, Nadab,

31 Gedor, Ahio, Zeker

32 ken Miklot nga ama ni Simea. Nagnaed dagiti kaputotanda idiay Jerusalem iti asideg dagiti dadduma a familia iti kapuonanda.

Ti Familia ni Ari Saul

33 Ni Ner ti ama ni Kis nga ama ni Saul. Uppat ti annak ni Saul: da Jonatan, Malkisua, Abinadab ken Esbaal.

34 Ni Jonatan ti ama ni Meribbaalnga ama ni Mica.

35 Uppat a lallaki ti annak ni Mica: da Piton, Melek, Tarea ken Ahaz.

36 Ni Ahaz ti ama ni Jehoadda. Adda tallo a lallaki nga annak ni Jehoadda: da Alemet, Asmabet ken Zimri. Ni Zimri ti ama ni Mosa

37 nga ama ni Binea nga ama ni Rafa nga ama ni Eleasa nga ama ni Azel.

38 Innem ti annak ni Azel: da Azrikam, Bokeru, Ismael, Searias, Abdias ken Hanan.

39 Adda tallo nga annak ni Esek a kabsat ni Azel: da Ulam, Jehus, ken Elifelet.

40 Mamaingel a mannakigubat ken pumapana dagiti annak ni Ulam. Sangagasut ket limapulo dagiti annak ken appokona. Kameng ti tribu ti Benjamin dagiti amin a nainaganan iti ngato.

Dagiti Nagsubli

1 Nailista itiLibro dagiti Ari ti Israelti amin nga Israelita segun iti familiada.

Naitalaw dagiti tattao ti Juda ket naipanda idiay Babilonia a kas dusa dagiti basolda.

2 Kadagitiimmuna a nagsubli iti dagada kadagiti siudad, mairaman dagiti Israelita a saan a padi, dagiti papadi, Levita ken dagiti agtartrabaho iti templo.

3 Napan nagnaed idiay Jerusalem dagiti tattao a nagtaud kadagiti tribu ti Juda, Benjamin, Efraim ken Manases.

4-6 Innem a gasut ket siam a pulo ti familia iti tribu ti Benjamin ti nagnaed idiay Jerusalem.

Ni Utai ti pangulo dagiti kaputotan ni Perez nga anak ni Juda. Anak ni Ammihud ni Utai ken apoko ni Omri. Mairaman kadagiti kapuonanna da Imri ken Bani.

Ni Asaias ti pangulo dagiti kaputotan ni Sela nga anak ni Juda. Isu ti pangulo ti familiana.

Ni Jeuel ti pangulo dagiti kaputotan ni Zera nga anak ni Juda.

7 Nagnaed idiay Jerusalem dagiti sumaganad a kameng ti tribu ti Benjamin: ni Sallu nga anak ni Mesullam nga anak ni Hodavia nga anak ni Hassenua;

8 ni Ibnias nga anak ni Jeroham; ni Ela nga anak ni Uzzi ken apoko ni Mikri; ni Mesullam nga anak ni Sefatian nga anak ni Reuel nga anak ni Ibniha.

9 Adda 956 a familia dagiti Benjaminita nga agnanaed sadiay. Papangulo iti familia dagiti amin a lallaki a nainaganan iti ngato.

Dagiti Papadi a Nagnaed idiay Jerusalem

10-12 Nagnaed idiay Jerusalem dagitoy a papadi:

Jedayas, Jehoyarib ken Jakin.

Ni Azarias nga anak ni Hilkias ti kangatoan nga agturay iti Templo. Kadagiti kaputotanna, mairaman da Mesullam, Zadok, Merayot ken Ahitub.

Ni Adaias nga anak ni Jeroham nga iti kapuonanna, mairaman da Pasur ken Malkias.

Ni Maasai nga anak ni Adiel nga iti kapuonanna mairaman da Jazera, Mesullam, Mesillemit ken Immer.

13 Agdagup iti 1,760 dagiti papadi a pangulo dagiti familia. Nalaingda iti amin a kita ti trabaho iti Templo.

Dagiti Levita a Nagnaed idiay Jerusalem

14-16 Nagnaed idiay Jerusalem dagitoy a Levita:

ni Semaias nga anak ni Hassub nga iti kapuonanna mairaman da Azrikam ken Hasabias iti kapuonan ni Merari;

ni Bakbakkar, Heres ken Galal;

ni Mattanias nga anak ni Mica nga iti kapuonanna mairaman da Zikri ken Asaf;

ni Abdias nga anak ni Semaias nga iti kapuonanna, mairaman da Galal ken Jedutun;

ni Berekias nga anak ni Asa ken apoko ni Elcana. Nagnaed iti masakupan ti ili ti Netofa.

Dagiti Guardia iti Templo a Nagnaed idiay Jerusalem

17 Nagnaed idiay Jerusalem dagitoy a guardia iti Templo:

Sallum, Akkub, Talmon ken Ahiman. Ni Sallum ti panguloda.

18 Agingga iti dayta a panawen, dagiti kameng ti kapuonanda ti para-bantay iti akindaya a pagserkan a mapan iti Ruangan ti Ari. Isuda idi ti guardia kadagiti ruangan a mapan kadagiti kampo dagiti Levita.

19 Ni Sallum nga anak ni Kore ken apoko ni Ebiasaf, agraman dagiti kakabagianna iti kapuonan ni Kora, ti nadutokan a mangguardia iti pagserkan a mapan iti nasagradoan a Tolda, kas kadagidi kapuonanda idi isuda ti agaywan iti kampo ni Yahweh.

20 Adda idi panawen a daydi Dios-ti-alluadna a Finees nga anak ni Eleazar ti nangimaton kadakuada.

21 Ni Zacarias nga anak ni Meselemia ti maysa kadagiti guardia iti pagserkan a mapan iti nasagradoan a Tolda.

22 Agdagup iti 212 dagiti napili a guardia kadagiti pagserkan ken ruangan. Nailistada segun kadagiti barrio a pagnaedanda. Ni Ari David ken ni Samuel a profeta ti nangdutok idi kadagiti kapuonanda kadagitoy a saad.

23 Isuda ken dagiti kaputotanda ti nagtultuloy a guardia kadagiti ruangan ti Templo.

24 Adda uppat a ruangan: maysa ti sumango iti amianan, maysa iti abagatan, maysa iti daya, ken maysa iti laud. Adda pangulo a guardia iti tunggal ruangan.

25 Timmultulong kadagitoy a guardia dagiti kakabagianda nga agnaed kadagiti barrio; tunggal grupo, agbantay iti uneg ti pito nga aldaw.

26 Levita dagiti uppat a papangulo a guardia ket isuda ti makaammo iti amin iti akemda. Isuda pay ti makaammo iti pannakabantay dagiti kuarto iti Templo ken dagiti abasto a naidulin sadiay.

27 Agnanaedda iti asideg ti Templo gapu ta pagrebbenganda a guardiaan ti Templo ken luktan dagiti ruanganna tunggal bigat.

Dagiti Dadduma a Levita

28 Dagiti dadduma a Levita ti makaammo kadagiti alikamen a mausar iti panagdaydayaw. Bilangenda dagiti alikamen no mairuarda ket bilangenda manen no maidulinda kalpasan ti pannakausarda.

29 Adda met dagiti Levita nga agaywan kadagiti dadduma a nasagradoan nga alikamen, agraman iti arina, arak, lana ti olibo, insenso ken dagiti bangbanglo.

30 Ngem akem dagiti papadi a paglalaoken dagiti bangbanglo.

31 Annong ni Mattitias a Levita nga inauna nga anak ni Sallum iti familia ni Kora ti pannakaluto dagiti tinapay a maidaton.

32 Dagiti nagtaud iti familia ni Kohat ti makaammo iti pannakaisagana ti nasagradoan a tinapaya maipaay iti Templo iti tunggal Aldaw a Panaginana.

33 Dagiti dadduma a familia dagiti Levita ti para-kanta iti Templo. Nagnaed kadagiti patakder ti Templo ti pangulo dagitoy a familia ket awan sabali nga akemda tapno madadaanda no adda pakaayabanda iti aldaw wenno rabii.

34 Papangulo iti familia dagiti Levita dagiti nainaganan segun iti kapuonan a nagtaudanda. Isuda dagiti papangulo a nagnaed idiay Jerusalem.

Dagiti Kapuonan ken Kaputotan ni Ari Saul

35 Binangon ni Jeiel ti siudad ti Gabaon ket nagnaed sadiay. Maaca ti nagan ti asawana.

36 Ni Abdon ti inauna nga anakna. Adien ni Abdon da Sur, Kis, Baal, Ner, Nadab,

37 Gedor, Ahio, Zacarias ken Miklot

38 nga ama ni Simea. Nagnaed dagiti kaputotanda idiay Jerusalem iti asideg dagiti dadduma a familia a kakabagianda.

39 Ni Ner ti ama ni Kis nga ama ni Saul. Adda uppat a lallaki nga annak ni Saul, da Jonatan, Malkisua, Abinadab ken Esbaal.

40 Ni Jonatan ti ama ni Meribbaal nga ama ni Mica.

41 Uppat dagiti lallaki nga annak ni Mica, da Piton, Melek, Tarea ken Ahaz.

42 Ni Ahaz ti ama ni Jara. Adda tallo a lallaki nga annak ni Jara, da Alemet, Asmabet ken Zimri. Ni Zimri ti ama ni Mosa.

43 Ni Mosa ti ama ni Binea nga ama ni Refaias nga ama ni Eleasa nga ama ni Azel.

44 Innem a lallaki ti annak ni Azel: Azrikam, Bokeru, Ismael, Searias, Abdias ken Hanan.

Ti Pannakatay ni Ari Saul

1 Ginubat dagiti Filisteo dagiti Israelita idiay Bantay Gilboa. Adu ti natay kadagiti Israelita ket nagtataray dagiti dadduma.

2 Nakamatan dagiti Filisteo ni Saul ken dagiti annakna. Pinatayda da Jonatan, Abinadab ken Malkisua nga annakna.

3 Nadara ti ranget iti likmut ni Saul. Napuntaan kadagiti pana ti kabusor ket nakaro ti sugatna.

4 Kinunana iti agtutubo a para-awit kadagiti igamna, “Asutem ti kampilanmo ket patayennak tapno didak pagang-angawan dagitoy awan diosna a Filisteo.” Ngem kasta unay ti buteng ti agtutubo. Dina kayat a tungpalen ti bilin ni Saul. Iti kasta, inasut ni Saul ti kampilanna sana rinugmaan.

5 Idi makita ti agtutubo a natayen ni Saul, rinugmaanna met ti kampilanna ket natay.

6 Natay ni Saul ken dagiti tallo nga annakna ket nagpatingga ti panagarina.

7 Idi madamag dagiti Israelita nga agnanaed iti Tanap ti Jezreel a nagtataray dagiti soldado ken natay ni Saul ken dagiti annakna, nagtatarayda a pimmanaw kadagiti ilida. Kalpasanna, dimteng dagiti Filisteo ket sinakupda dagiti ili.

8 Iti sumuno nga aldaw kalpasan ti gubat, napan nagsamsam dagiti Filisteo kadagiti napapatay. Nasarakanda dagiti bangkay ni Saul ken dagiti tallo nga annakna a naiwalang idiay Bantay Gilboa.

9 Pinutolanda ni Saul, innalada ti kalasagna sada nangibaon kadagiti mapan iti entero a Filistia a mangipakaammo iti naimbag a damag kadagiti tattao ken kadagiti diosda.

10 Inkabilda dagiti igamna iti maysa kadagiti templo dagiti diosda, ket imbitinda ti ulona iti templo ni dios a Dagon.

11 Idi madamag dagiti agnaed iti Jabes ti Galaad ti inaramid dagiti Filisteo iti bangkay ni Saul,

12 nagrubbuat dagiti katuturedan a lallaki, ket napanda innala dagiti bangkay ni Saul ken dagiti annakna. Inyawidda dagitoy idiay Jabes ket intanemda ida iti sirok ti kayo a lugo. Pito nga aldawda a nagayunar.

13 Natayni Saul agsipud ta saan a nagtalinaed a napudno ken ni Yahweh. Sinukirna ti bilin ni Yahweh. Tinarigagayanna ti paidalan babaen iti pannakiumanna kadagiti espiritu dagiti natay,

14 a saan ketdi ken ni Yahweh ti nakiumananna. Iti kasta, pinatay ni Yahweh ket intedna ti pagarian ken ni David nga anak ni Jesse.

Maisaad ni David nga Ari ti Israel ken Juda

1 Sangsangkamaysa dagiti amin a tribu ti Israel a napan ken ni David idiay Hebron ket kinunada kenkuana, “Kakabagian ken kadaraannakami.

2 Iti napalabas, uray idi ari pay laeng ni Saul, sika ti nangipangpangulo iti armada ti Israel iti paggugubatan. Inkari kenka tiApoa Diosmo nga ipanguloamto dagiti tattaona ket sikanto ti mangituray kadakuada.”

3 Ngarud, napan dagiti amin a pangulo ti Israel ken ni David idiay Hebron. Nakitulag kadakuada iti imatang ni Yahweh. Inkonsagrarda ni David ket nagbalin nga ari ti Israel, kas inkari ni Yahweh ken ni Samuel.

4 Rinautni Ari David ken dagiti amin nga Israelita ti siudad ti Jerusalem. Maaw-awagan idi ti siudad iti Jebus, ket agnaed pay laeng sadiay dagiti Jebuseo a sigud a nagnaed iti dayta a lugar.

5 Imbaga dagiti Jebuseo ken ni David a dina mastrek ti siudad, ngem pinarmek ni David ti sarikedked ti Sion ket napanaganan iti “Siudad ni David.”

6 Kinuna ni David, “Ti umuna a makapatay iti Jebuseo, isunto ti agbalin a pangulo ti armada!” Ni Joab nga anak ni Sarvia ti nangidaulo kadagiti rimmaut ket nagbalin a pangulo.

7 Gapu ta napan nagnaed ni David iti uneg ti sarikedked, napanaganan ti siudad iti “Siudad ni David.”

8 Binangonna manen ti siudad; inrugina iti akindaya a bangir ti turod, iti lugar a nagaburan.Tinarimaan ni Joab ti dadduma a paset ti siudad.

9 Bimmileg a bimmileg ni David ta adda kenkuana ni Yahweh a Mannakabalin-amin.

Dagiti Nalatak a Soldado ni David

10 Daytoy ti listaan dagiti nalatak a soldado ni David a timmulong kadagiti Israelita a nangisaad kenkuana nga ari kas inkari ni Yahweh ket isuda ti nangpabileg iti pagarianna.

11 Umuna ni Jasobeam iti kapuonan ni Hacmon. Isu ti pangulo “Dagiti Tallo.”Gayang ti inaramatna iti pannakigubatna kadagiti 300 a lallaki, ket pinatayna amin ida iti naminsan laeng a ranget.

12 Ni Eleazar nga anak ni Dodo iti kapuonan ni Aho ti maikadua kadagiti agdindinamag a “Tallo.”

13 Kaduana ni David a nakiranget kadagiti Filisteo idiay Pas Dammim. Adda idi iti talon a namulaan iti sebada idi agtataray dagiti Israelita.

14 Ngem saan a nagtaray ni Eleazar ken dagiti soldadona ket nakirangetda kadagiti Filisteo iti tengnga ti talon. Impaay ni Yahweh kenkuana ti dakkel a balligi.

15 Iti maysa nga aldaw, tallo kadagiti 30 a nalatak a soldado ti napan iti kabatoan a pagigianan ni David iti asideg ti Rukib ti Adullam. Nagkampo met dagiti Filisteo iti Tanap ti Refaim.

16 Adda idi ni David iti nasarikedkedan a turod, ket sinakup ti maysa a bunggoy dagiti Filisteo ti Betlehem.

17 Immapay ti iliw ni David ket kinunana, “Adda la koma mapan mangala iti danum nga inumek iti bubon iti abay ti ruangan ti Betlehem!”

18 Sinarakusok dagiti tallo a mamaingel a soldado ti kampo dagiti Filisteo, simmakdoda iti bubon ket impanda ti danum ken ni David. Ngem saan nga ininum ni David; imbuyatna ketdi a kas daton ken ni Yahweh sana

19 kinuna, “Diak mabalin nga inumen daytoy! Kasko la in-inumen ti dara dagitoy a lallaki a nangipusta iti biagda!” Isut’ gapuna a dina kayat nga inumen ti danum. Dagitoy dagiti gapuanan dagitoy tallo a nalatak a mannakigubat.

20 Ni Abisai a kabsat ni Joab ti pangulo dagiti “Mamaingel a Tallopulo.” Babaen iti gayangna, pinatayna ti 300 a lallaki iti pannakirangetna kadakuada. Gapu iti daytoy, nagbalin a nalatak kadagiti “Tallopulo.”

21 Isu ti kalatakan kadagiti “Tallopulo,” ket nagbalin a panguloda ngem dina naartapan “Dagiti Tallo.”

22 Maysa a nalatak a mannakigubat ni Benaias nga anak ni Jehoyada a taga-Kabzeel. Adu dagiti aramidna a nangipakitaanna iti kinaturedna. Pinatayna ti dua a nalaing a mannakigubat a Moabita. Iti naminsan nga agtudtudo iti niebe, napan iti maysa a rukib ket pinatayna ti maysa a leon.

23 Adda pay pinatayna nga Egipcio nga agtayag iti a pito ket gudua a kadapan. Siaarmas ti Egipcio iti nakadakdakkel a gayang. Pang-or ti armas ni Benaias a nangdarup iti Egipcio. Inagawna ti gayang ti Egipcio ket daytoy ti pinangpatayna kenkuana.

24 Dagitoy dagiti aramid ni Benaias a maysa kadagiti “Tallopulo.”

25 Maysa a maingel kadagiti “Tallopulo” ngem saan a nalatak a kas kadagiti “Tallo.” Isu ti dinutokan ni David a pangulo dagiti guardiana.

26-47 Dagitoy dagiti nalatak a mannakigubat:

Ni Asael a kabsat ni Joab;

ni Elhanan nga anak ni Dodo a taga-Betlehem;

Sammot a taga-Harod; Helez a taga-Pelet;

Ira nga anak ni Ikkes a taga-Tekoa;

Abiezer a taga-Anatot;

Sibbecai a taga-Husa;

Ilai a taga-Aho;

Maharai a taga-Netofa;

Heled nga anak ni Baana a taga-Netofa;

Itai nga anak ni Ribai a taga-Gabaa iti tribu ti Benjamin;

Benaias a taga-Piraton;

Hurai a naggapu kadagiti tanap iti asideg ti Gaas;

Abiel a taga-Arba;

Asmabet a taga-Bahurum;

Eliaba a taga-Saalbon;

Hasema taga-Gizon;

Jonatan nga anak ni Sagee a taga-Harar;

Ahiam nga anak ni Sakar a taga-Harar;

Elifal nga anak ni Ur;

Hefer a taga-Mekera;

Ahija, a taga-Pelon;

Hezro a taga-Carmel;

Naarai nga anak ni Ezbai;

Joel a kabsat ni Natan;

Mibhar nga anak ni Hagri;

Zelek a taga-Ammon;

Naharai a taga-Beerot (isu ti para-iggem iti armas ni Joab);

Ira ken Gareb a taga-Jattir;

Urias a Hiteo;

Zabad nga anak ni Alai;

Adina nga anak ni Siza (maysa a nalatak a kameng iti tribu ti Ruben ket adda tallopulo a soldadona.)

Hanan nga anak ni Maaca;

Josafat a taga-Mitan;

Uzzia a taga-Astera;

Samma ken Jeiel nga annak ni Hotam a taga-Aroer;

Jediael ken Joa nga annak ni Simri a taga-Tiz;

Eliel a taga-Mahava;

Jeribai ken Josavias nga annak ni Elnaam;

Itma a taga-Moab;

Eliel, Obed ken Jaasiel a taga-Zoba.

Dagiti Benjaminita nga Immuna a Pasurot ni David

1 Agnaed idi ni David idiay Siklag a nagkamanganna gapu iti panangisiksikat ni Ari Saul kenkuana. Sadiay, adu ti timmipon kenkuana a natenneb ken mapagtalkan a mannakigubat.

2 Kamkamengda iti tribu ti Benjamin a nagtaudan ni Saul. Pumapanada. Kabaelanda ti agibiat iti pana ken agpallatibong iti kannawan wenno kannigid nga imada.

3-7 Isuda dagitoy:

ni Ahiezer a panguloda ken ni Joas nga annak ni Semaa a taga-Gabaa; Jeziel ken Pelet nga annak ni Asmabet;

Beraca ken Jehu a taga-Anatot;

Ismaias a taga-Gabaon, maysa a nalatak a mannakigubat ken maysa kadagiti pangulo “Dagiti Tallopulo”;

Jeremias, Jaaziel, Johannan ken Jozabad a taga-Gedera;

Eluzai, Jerimot, Bealias, Semarias ken Sefatias a taga-Harif;

Elcana, Issias, Azarel, Joezer ken Jasobeam iti kapuonan ni Kora;

Joela ken Zebadias nga annak ni Jeroham a taga-Gedor.

Dagiti Gadita a Pasurot ni David

8 Dagitoy dagiti nalatak ken nasanay a soldado iti tribu ti Gad a timmipon kadagiti buyot ni David idi adda iti sarikedkedna iti let-ang. Nalaingda nga agusar iti kalasag ken pika. Nakabutbuteng a kas iti leon ti langada ken nasiglatda a kas iti ugsa iti kabambantayan.

9-13 Kastoy ti panagsasarunoda manipud iti kangatoan a saad: Ezer, Abdias, Eliab, Mismanna, Jeremias, Attai, Eliel, Johanan, Elzabad, Jeremias ken Macbannai.

14 Sumagmamano kadagitoy ti nangato nga ofisial a mangipangulo iti 1,000 a mannakigubat. Nababbaba ti dadduma ket idauloanda ti 100 a mannakigubat.

15 Iti umuna a bulan iti tawen, idi naglayus ti Karayan Jordan, bimmallasiwda ti karayan ket winarawarada dagiti agnaed kadagiti tantanap, iti daya ken laud ti karayan.

Dagiti Pasurot a Nagtaud kadagiti Tribu ti Benjamin ken Juda

16 Iti naminsan, adda bunggoy dagiti lallaki kadagiti tribu ti Benjamin ken Juda a napan ken ni David iti sarikedked.

17 Sinabat ida ni David ket kinunana, “No immaykayo a kas gagayyem a tumulong kaniak, siraragsakkami nga umawat kadakayo ditoy. Tumiponkayo kadakami. Ngem no panggepdak a liputan ket yawatdak kadagiti kabusorko, uray no dikay rinanggasan, makitanto ti Dios dagiti kapuonantayo ket dusaennakayo.”

18 Maysa kadakuada, ni Amasai, a nagbalin a pangulo “Dagiti Tallopulo,” ti inturayan ti espiritu ti Dios ket kinunana:

“O David nga anak ni Jesse, kukuanakami!

Agballigika koma ken dagiti tumultulong kenka!

Adda ti Dios a katulongam!”

Inawat ida ni David ket pinagbalinna ida nga ofisiales iti armadana.

Dagiti Pasurot a Nagtaud iti Tribu ti Manases

19 Adda sumagmamano a mannakigubat iti tribu ti Manases a timmipon ken ni David idi nakikadua kadagiti Filisteo a napan nanggubat ken ni Ari Saul. Kinaagpaysona, dina tinulongan dagiti Filisteo gapu ta nagbuteng dagiti arida amangan no liputanna ida ket parmeken ida ni Saul a sigud nga apona. Iti kasta, pinapanawda.

20 Dagitoy dagiti mannakigubat a taga-Manases a timmipon ken ni David idi napan idiay Siklag: Adna, Jozabad, Jediael, Micael, Jozabad, Elihu ken Zilletai. Idiay Manases, impanguloanda dagiti bunggoy dagiti rinibu a soldado.

21 Nagserbida ken ni David a kas ofisiales ti armadanagapu ta mamaingelda amin a mannakigubat. Kalpasanna, nagbalinda nga ofisialesna iti armada ti Israel.

22 Nagistayan inaldaw nga adda tumipon iti bunggoy ni David ket immadu ti bilang dagiti mannakigubat iti bunggoyna.

Ti Listaan dagiti Buyot ni David

23-37 Idi adda ni David idiay Hebron, adu a nasanay a mannakigubat ti timmipon iti armadana tapno tumulongda iti pannakaisaadna nga ari a sukat ni Saul, kas inkari ni Yahweh. Daytoy ti bilangda:

Juda: 6,800 a mannakigubat nga addaan kadagiti kalasag ken pika;

Simeon: 7,100 a nasanay a mannakigubat;

Levi: 4,600 a soldado;

dagiti pasurot ni Jehoyada a kaputotan ni Aaron: 3,700 a mannakigubat;

dagiti kakabagian ni Zadok, maysa nga agtutubo ken nalaing a makigubat: 22 a nalatak a mannakigubat;

Benjamin (iti tribu ni Saul): 3,000 a mannakigubat (kaaduanna kadagiti tattao ti Benjamin ti nagtalinaed a napudno ken ni Saul);

Efraim: 20,800 a mannakigubat a nalatak iti kapuonanda;

Akinlaud a Manases: 18,000 a napili a lallaki a mangisaad ken ni David a kas ari;

Issacar: 200 a papangulo, agraman dagiti tattao nga ipanguloanda (dagitoy a panglakayen ti makaammo iti rumbeng nga aramiden ti Israel ken ti maitutop a tiempo a pannakaaramidna);

Zebulon: 50,000 a napudno ken mapagtalkan a tattao a sisasagana a makigubat. Nasanayda nga agusar iti amin a kita ti igam;

Neftali: 1,000 a papangulo agraman 37,000 a mannakigubat a sikakalasag ken sipipika;

Dan: 28,600 a nasanay a mannakigubat;

Aser: 40,000 a mannakigubat a sisasagana a makigubat;

Dagiti tribu iti daya ti Jordan—Ruben, Gad ken Akindaya a Manases; 120,000 a mannakigubat a nasanay nga agusar iti amin a kita ti igam.

38 Napan amin dagitoy a mannakigubat idiay Hebron. Nakasaganada a makigubat ket sidadaanda a mangisaad ken ni David nga ari iti entero nga Israel. Maymaysa ti panggep dagiti amin nga Israelita a mangisaad kenkuana nga ari.

39 Tallo nga aldawda sadiay a kadua ni David a nagkakaan ken nagiinum iti insagana dagiti kailianda.

40 Uray dagiti kaadaywan a tribu iti amianan, dagiti tribu da Issacar, Zebulon, ken Neftali, nangyegda kadagiti asno, kamelio, mulo ken baka a nagkarga iti taraon—arina, igos, pasas, arak ken lana ti olibo. Nagitugotda met kadagiti baka ken karnero a partien ken sidaenda. Amin dagitoy ipakitana ti ragsak ti entero a pagilian.